Praktikë Profesionale në Florfarma për Studentët e Farmacisë & Kimisë

Florfarma, në koordinim me Departamentet përkatëse të Farmacisë dhe Kimisë të universiteteve shqiptare, fton studentët e vitit të pestë të Farmacisë, si dhe studentët e Masterit të Shkencave në Inxhinieri të Proceseve Kimike dhe në Kimi Industriale e Mjedisore, të aplikojnë për praktikë profesionale në fabrikën dhe laboratorët e Florfarma, duke nisur nga muaji Tetor 2026. Praktika do të zgjasë 6 muaj, përfshin faza pa pagesë dhe me pagesë, mentorim profesional, integrim në ekipe kërkimore e prodhuese, si dhe mundësi reale punësimi. Procesi është i plotësisht i përputhur me standardet ligjore dhe akademike.
Objektivat
• Ofrimi i përvojës së drejtpërdrejtë industriale farmaceutike & kimike.
• Aftësimi në standardet GMP/GDP.
• Përfshirja në projekte të përbashkëta kërkimore.
• Lehtësimi i tranzicionit nga shkolla në tregun e punës dhe mundësi punësimi.
• Zhvillimi i njohurive në Farmakovigjilencë dhe Çështje Rregullatore (Regulatory Affairs).
Përfitimet
• Praktikë profesionale gjithëpërfshirëse (trajnim, kërkim, prodhim).
• Mentorim nga profesionistë me përvojë në industrinë farmaceutike e laboratoret R&D.
• Certifikatë pjesemarrje dhe letër rekomandimi.
• Pagesë për fazën e avancuar të praktikës.
• Prioritet në procesin e punësimit.
Kriteret e aplikimit
• Studentë të vitit V Farmaci ose në Master Shkencor Inxhinieri Kimike/Kimi Industriale e Mjedisore.
• Nota mesatare ≥8.0 (preferohet, por jo përjashtuese për motivim të lartë).
• Vërtetim studenti, CV, listë notash.
• Dërgoni dokumentet në adresën e emailit: karriera@florfarma.com
Afatet
• Hapja e aplikimeve: 4 Tetor 2025.
• Përfundimi: 30 Tetor 2025.
• Intervistimi: 10 – 15 Nentor.
• Rezultatet: 17-21 Nentor.
• Fillimi i praktikes: 1 Dhjetor 2025.
Ftojmë të gjithë studentët e interesuar dhe universitetet partnere të bashkohen në këtë rrugëtim profesional e shkencor të veçantë!

Kjo iniciativë e drejtuesve të Florfarma përbën një hap të rëndësishëm në drejtim të rritjes së kohezionit dhe ndërveprimit midis industrisë farmaceutike dhe sistemit të arsimit të lartë në Shqipëri. Florfarma, duke u ofruar studentëve një praktikë gjithëpërfshirëse në linjat prodhuese, laboratorët e kontrollit dhe kërkimit, nën drejtimin e mentorëve të certifikuar dhe sipas standardeve më të larta GMP/GDP, jo vetëm që ngre kapacitetet njerëzore të saj, por edhe kontribuon drejtpërdrejt për përgatitjen e një brezi të ri profesionistësh të denjë për tregun global të industrisë farmaceutike.

I gjithë procesi është projektuar mbi baza ligjore, etike dhe kërkimore të forta – duke ndihmuar lëvizjen strategjike të Shqipërisë drejt inovacionit, cilësisë dhe konkurrencës së barabartë në rajon dhe më gjerë.

Back to Top
Product has been added to your cart